Minizpot超迷你盆栽

每日都過住一模一樣、忙碌枯燥嘅生活。原來透過照顧盆栽，可以發現一個俾自己稍作喘息、療癒心靈嘅綠色小角落。Minizpot嘅超迷你植物就啱晒擺喺室內，陪着你做嘢，療癒你心情！

有好嘢梗係要開心share！我哋都係普通打工仔，透過照顧盆栽發現一片心靈小綠洲，漸漸發展成為興趣同埋累積到經驗，希望分享俾每一個客人。

Minizpot同專業農夫合作，所有植物都喺韓國🇰🇷或者台灣🇹🇼嘅農場培植，已出售過萬棵植物。亦會提供飼養教學、盆栽移植等售後服務。

為提供種植體驗比街坊參加，我哋亦會同非牟利機構合作，出一分綿力回饋社會。

一個最難忘嘅經驗，就係有客人分享返，佢一年前買咗超迷你盆栽比當時正處於情緒低谷嘅朋友。佢睇住個朋友用心咁照顧植物，漸漸地療癒情緒，慢慢走出低谷。知道咗呢件事之後，我哋更加堅守初衷，希望迷你肉肉可以幫助每個客人搵到你自己嘅心靈小綠洲。

我哋好鍾意同客人吹水，同埋喺IG Story互動，記得follow我哋IG睇吓會唔會有限時優惠、種植小知識、同埋市集資訊！@minizpot