如何照顧多肉植物 ?
養肉肉最主要元素係: 光、空氣、水、濕度、泥土。
相信大家都知道每一個品種需要嘅元素組合都唔同，因應環境嘅轉變，元素組合嘅份量又會不一樣。即使係同一個地方、同一種多肉植物，因為個體分別，變化速度同需求都會有細微嘅差異。
抽象d黎講，肉肉同人一樣。
冬天凍我地會諗辦法保暖，夏天熱我地會飲多幾啖水。太陽曬驚曬傷會擔遮搽防曬。大家都有共識。
但喺雙胞胎都唔係100%一樣，每個人飲食、性格、生活習慣等等都一定係唔一樣。「你食極都係瘦底，我呼吸就係原罪」 每個人都有各自嘅獨特性。
所以養肉肉就好似同一個人相處咁，每日都觀察下肉肉，了解下佢「又唔同咗樣」嘅原因，你就會識得調整佢需要嘅元素。過程會係好漫長，未必一次就成功。
只要有耐性慢慢你就會明白點先可以令肉肉健康成長，甚至乎對自己養肉肉嘅環境會有更深入嘅了解。